Heil og sæl!

Eftir vísindalega vettvangsferð þjálfara 7. flokks upp í Krika fékkst sú niðurstaða að fella niður æfingu í dag hjá 7. flokki. Vindhviðurnar eru það miklar upp á efra svæði að ekkert vit er í að sparka þar í bolta eins og staðan er og því miður er Risinn okkar upptekinn á sama tíma.

Við sleppum því æfingu í dag og hittumst næst á mánudag. Í næstu viku koma einnig upplýsingar um vetrartímana okkar og lokahófið!

Hjálpumst endilega að við að breiða út tíðindin!

Kv.
þjálfarar

Næsta mánudag fer fram stórleikur FH og KR í Pepsídeildinni á KR-velli sem gæti ráðið ansi miklu í baráttunni um Íslandsmeistaratitilinn. Ljóst er að fjölmargir FH-ingar ætla á leikinn og munum við því breyta aðeins æfingatímunum okkar á mánudaginn svo allir komist. Á mánudaginn æfir 7. flokkur því svona:

Yngra árið æfir í Risanum frá 16.00-16.45

Eldra árið æfir í Risanum frá 16.45-17.30

Við biðjum alla um að breiða erindið út!

FH-kveðja,
þjálfarar

Við minnum á æfingarnar á næstunni en örlítil breyting verður á föstudagsdagskránni hjá okkur. Æfingar 7. flokks eru:

Mánudagar í Risanum: Yngri frá 16-17 og eldri frá 17-18

Þriðjudagar í Risanum: Yngri frá 16-17 og eldri frá 17-18

Föstudagar á efra grasi: Yngri frá 16-17 og eldri frá 17-18

Við æfum áfram í ágúst og fram í miðjan september, allt þar til lokahóf yngri flokka fer fram í Krikanum. Þá færist eldra árið upp í 6. flokk og yngra árið verður að eldra ári. Við setjum dagsetningu lokahófs hér inn um leið og hún er ljós...

Kv.
þjálfarar

Mótið á sunnudag er á grasinu á Tungubökkum í Mosfellsbæ (keyrt er í gegnum Mosfellsbæ og til vinstri að Tungubökkum).

Eftirfarandi strákar eiga að mæta 8.30 á svæðið og eru búnir um kl. 13.00:
Sindri Snær, Alexander Aron, Hrafn, Baldur Logi, Eiríkur, Brynjar Sanne, Yngvar Máni, Grímur, Óskar, Óli Valur, Mikael Máni, Jóhann Þór, Bjartur Fannar, Elmar Sölvi, Jökull, Viktor Orri, Ívan Dan, Skorri, Egill, Heiðmar Gauti, Adam, Haukur Leifur, Benedikt Tristan, Róbert Andri, Gabríel Ísar, Bjarki, Dagur Þór, Úlfur Torfa, Róbert Ingi, Arnór Gauti, Svavar, Birkir, Ólafur Þór, Úlfur Ágúst, Anton Fannar, Alex Már, Einar Logi, Erling Orri, Dominic, Róbert Logi, Njörður, Sigurður Ari og Eyvindur Páll.

Eftirfarandi strákar eiga að mæta 12.40 og eru búnir um kl. 16.00:
Ásgeir, Ágúst Jens, Eyvindur Páll, Freyr Víkingur, Jakob, Jóhann Kári, Jónas Atli, Róbert Ísak, Steinar Logi og Þórhallur Gísli.

• Strákarnir mega spila í sínum FH-treyjum en þjálfarar verða líka með búninga á staðnum.
• Mótsgjald er 1000 kr. og greiðist liðsstjóra hvers liðs.
• Við þurfum að taka hollt og gott nesti með okkur sem hægt er að fá sér milli leikja.

Við minnum svo á æfingu í dag hjá öllum kl. 15-16 á grasinu og svo á bikarveisluna á morgun en fjölskylduhátíð verður í Krikanum frá 15-17 og svo bikarúrslitaleikurinn sjálfur kl. 18.00 á Laugardalsvelli.

Kv.
þjálfarar

Heil og sæl!

Við minnum á æfingar hjá 7. flokki í vikunni, byrjum aftur af krafti á þessum tímum:

Mánudagur 9. ágúst í Risanum: Yngri frá 16-17 og eldri frá 17-18
Þriðjudagur 10. ágúst í Risanum: Yngri frá 16-17 og eldri frá 17-18
Föstudagur 13. ágúst á grasinu: Allir saman frá 15-16

SUNNUDAGINN 15. ágúst er okkur svo boðið á Atlantis-mót Aftureldingar á Tungubökkum. Mótsgjald er 1000 kr. á dreng og viðveran u.þ.b. þrír tímar.

! ELDRA ÁRIÐ OG HLUTI AF ÞVÍ YNGRA SPILAR FRÁ 9.00-13.00 Á SUNNUDAG EN EITT LIÐ AF YNGRA ÁRI SPILAR FRÁ 13.00-16.00. UPPLÝSINGAR UM MÆTINGU KOMA HÉR INN ELDSNEMMA Á FÖSTUDAGSMORGUN!

Mikilvægt er að skrá þá stráka sem ætla að taka þátt HÉR Í ATHUGASEMDAKERFI. Skráningu lýkur á fimmtudag kl. 20.00.

Kv.
þjálfarar

Sæl öll!

7. flokkur æfir áfram á mánudag og þriðjudag en svo förum við í örstutt sumarfrí í kringum verslunarmannahelgina. Við mætum aftur mánudaginn 9. ágúst og æfum áfram á sumartímum í framhaldinu.

SUNNUDAGINN 15. ÁGÚST er okkur boðið á Atlantis-mótið í Mosfellsbæ og setjum við skráningu af stað strax eftir "sumarfríið" - ATH! ÁÐUR VAR MÓTIÐ AUGLÝST 14. ÁGÚST EN ÞVÍ HEFUR VERIÐ BREYTT!

Prógrammið er því svohljóðandi:

Mánudagur 26. júlí í Risanum: Yngri frá 16-17 og eldri frá 17-18
Þriðjudagur 27. júlí í Risanum: Yngri frá 16-17 og eldri frá 17-18

28. júlí - 8. ágúst: Frí frá æfingum!

Mánudagur 9. ágúst í Risanum: Yngri frá 16-17 og eldri frá 17-18
Þriðjudagur 10. ágúst í Risanum: Yngri frá 16-17 og eldri frá 17-18
Föstudagur 13. ágúst á grasinu: Allir saman frá 15-16

Sunnudagurinn 15. ágúst: Atlantismót Aftureldingar í Mosfellsbæ!

Kv.
þjálfarar

Til þess að fá iðkendagjöld barna niðurgreidd að hluta af Hafnarfjarðarbæ þurfa foreldrar að staðfesta að barnið æfi fótbolta, handbolta, frjálsar og/eða skylmingar hjá FH í íbúagátt Hafnarfjarðar á vef bæjarins www.hafnarfjordur.is. Íbúagáttin er opin fyrir slíkar staðfestingar frá 1. júlí til 15. júlí og er því mikilvægt að ganga frá skráningu barns hið fyrsta.

Vinsamlegast látið orðið berast til allra foreldra svo að allir séu með þessa hluti á hreinu. Fimleikafélagið er stolt af sterku barna- og unglingastarfi sínu og þakkar öllum FH-ingum fyrir að taka þátt í félagsstarfinu.

Áfram FH!

Við minnum á æfingarnar á næstunni hjá 7. flokki á eftirfarandi tímum:

Mánudagur í Risa: Yngri frá 16-17 og eldri frá 17-18
Þriðjudagur í Risa: Yngri frá 16-17 og eldri frá 17-18
Föstudagur á efra grasi: ALLIR SAMAN FRÁ 15-16

Við förum svo í stutt sumarfríi 28. júlí og byrjum aftur að æfa mánudaginn 9. ágúst! Engin mót verða í júlí enda margir á ferð og flugi yfir hásumarið en við fáum skemmtileg verkefni þegar líður á ágústmánuð...

Kv.
þjálfarar

Sæl öll!

Við þjálfararnir viljum í fyrsta lagi þakka fyrir helgina. Guttarnir voru sjálfum sér og FH til mikils sóma og frábært að vera með eins góða og skemmtilega stráka í sínum röðum!

STRÁKAR! MUNIÐ LÍKA EFTIR AÐ KLAPPA MÖMMU OG PABBA Á BAKIÐ OG ÞAKKA ÞEIM FYRIR ALLA HJÁLPINA OG VINNUNA SEM GERIR AÐ VERKUM AÐ HÆGT ER AÐ FARA SAMAN Á SVONA SKEMMTILEG MÓT! ÞAU STÓÐU SIG ÓTRÚLEGA VEL OG EIGA ÞAÐ SKILIÐ!

Æfingarnar í vikunni eru þessar:

Mánudagur í Risa: Yngri frá 16-17 og eldri frá 17-18
Þriðjudagur í Risa: Yngri frá 16-17 og eldri frá 17-18
Föstudagur á efra grasi: ALLIR SAMAN FRÁ 15-16.

Kv.
þjálfarar

Á morgun hefst Norðurálsmótið eins og mörgum er kunnugt og við minnum á tvennt:

* Þeir sem fara á mótið eiga að mæta kl. 8.30 í Kaplakrika og fara saman í rútu upp á Skaga.

* Skagafarar þurfa að hafa með sér 1000 kr. og greiða við komuna í Kaplakrika.

Við komum okkur svo fyrir öll saman í Grundaskóla og förum í skrúðgöngu og á setningu mótsins þar sem allir FH-ingar verða í 66° Norður gallanum sínum!

VIÐ MINNUM EINNIG Á AÐ ENGIN ÆFING VERÐUR Á MORGUN HJÁ FLOKKNUM VEGNA SKAGAMÓTSINS!

Kv.
þjálfarar

Á fimmtudaginn, 17. júní,  ætla Íslendingar að halda þjóðhátíðardaginn sinn hátíðlegan. Hluti af hátíðarhöldum í bænum er fótboltaleikur hjá 7. flokki milli FH og Hauka á Víðistaðatúni. Hvert FH-lið mun spila einn leik og að honum loknum fá leikmenn verðlaun fyrir þátttökuna. Strákarnir mega mæta í sínum FH-treyjum en þjálfarar verða líka með aukatreyjur.

ELDRA ÁRIÐ Á AÐ MÆTA Á VÍÐISTAÐATÚN KL. 10.40 OG ER LEIKJUM LOKIÐ RÉTT FYRIR 12.00.

YNGRA ÁRIÐ Á AÐ MÆTA Á VÍÐISTAÐATÚN KL. 11.40 OG ER LEIKJUM LOKIÐ RÉTT FYRIR 13.00.

Á æfingu í dag voru til sölu FH-merkispjöld á töskur fyrir þá sem höfðu áhuga. Enn eru nokkur eftir og verður hægt að kaupa spjald á kostnaðarverði, eða á 500 kr., á fimmtudaginn. Júlíana, mamma Brynjars á eldra ári, verður með spjöldin á sér frá á meðan eldra árið spilar og Sylvía, mamma Svavars á yngra ári, á meðan yngra árið spilar.

Kv.
þjálfarar 

Við ætlum að færa okkur upp á gras og sprikla þar í dag. Strákarnir mæta upp á efra svæði en við verðum með þjálfara sem taka á móti þeim sem mæta í Risann og koma þeim á réttan stað. Svona lítur vikan út hjá 7. flokki:

Mánudagur Á EFRA GRASI: Yngri 16-17 og eldri 17-18

Þriðjudagur í Risanum: Yngri 16-17 og eldri 17-18

Fimmtudagur: 17. júní leikur við Hauka á Víðistaðatúni frá 11.00-13.00. Mætingar koma inn á bloggið - vonandi sem allra fyrst.

Föstudagur: Fótboltaveislan á Akranesi hefst. Við mætum í Kaplakrika kl. 8.30 og förum saman í rútu á Skagann. Strákarnir eiga að mæta með 1000 kr. í rútuna.

ATH! Við fáum það verkefni að leiða meistaraflokk karla inn á völlinn í nokkrum leikjum Pepsídeildarinnar í sumar. Fyrsti hópurinn frá okkur leiddi inná (og til sigurs) gegn Grindavík um daginn en næst er það KR-leikurinn í kvöld. Markmiðið er að leyfa öllum í flokknum að upplifa þetta og fá þeir sem eiga að leiða inn í kvöld miða um þetta á æfingunni. Ef einhver þeirra sem fær boð um að mæta kemst ekki þarf að hafa samband við Krissa (s. 691 7449).

FH-kveðja,
þjálfarar

Minnum á æfingar á morgun, föstudag:

Yngra ár frá 16-17 á efra grasi

Eldra ár frá 17-18 á efra grasi

Kv.
þjálfarar

Við minnum á æfinguna á morgun: Yngri frá 11-12 og eldri frá 12-13. Upphaflega ætluðum við að nýta góða veðrið og vera á grasinu á efra svæði en þar sem leiðindaaska og svifryk munu svífa um loftin á morgun ætlum við að færa okkur inn í RISANN. Þjálfarar flokksins verða tímanlega á ferðinni og beina öllum á réttan stað!

Við færum okkur svo á sumartíma strax næsta mánudag og er æfingaprógrammið því svona:

Laugardagur  5. júní í Risanum: Yngri frá 11-12 og eldri frá 12-13 (síðasta helgaræfingin í bili)

Og svo sumartímarnir:

Mánudagar í Risanum: Yngri frá 16-17 og eldri frá 17-18
Þriðjudagar í Risanum: Yngri frá 16-17 og eldri frá 17-18
Föstudagar á efra svæði: Yngri frá 16-17 og eldri frá 17-18*

* Við munum skoða möguleikann á að vera fyrr á föstudögum á foreldrafundinum næsta þriðjudag.

Þriðjudaginn 8. júní verður svo foreldrafundur vegna Norðurálsmótsins 18.-20. júní. Fundurinn hefst kl. 20.00 og verður í Kaplakrika. Það er skyldumæting á fundinn hjá þeim sem ætla með á mótið.

Kv.
Krissi

Á þriðjudags- og miðvikudagsæfingunum í þessari viku fá strákarnir afhenta bíómiða á Skógardýrið Húgó 3 sem sýnd er í kvikmyndahúsum þessa dagana. Um er að ræða opna miða sem nota má hvenær sem er og er stefnan tekin á að fara saman næsta fimmtudag á myndina. Sýningin hefst kl. 18.00 og eiga þeir sem ætla að skella sér með að mæta kl. 17.50 í miðasöluna í Smárabíói í Smáralind. Æskilegt er að foreldrar séu með í för og fylgi strákunum eftir og systkini og allir þeir sem vilja slást í hópinn eru að sjálfsögðu velkomnir.

Eftir bíó er svo auðvitað gráupplagt að kíkja á Kópavogsvöll og sjá bikarslag FH og Breiðabliks í meistaraflokki karla en hann hefst kl. 20.00.

Kveðja,
foreldraráð